السلام عليكم شباب معمل علماء مصر السادس
معاكم ط.ب آية علي معيدة فطب بيطري قنا
إن شاء الله النهاردة هاحاول اجمع فالبوست ده المصادر اللي ممكن تستخدموها في الحصول علي بيبرز عن النقطة البحثية اللي كل واحد منكم هايتكلم عنها فبحثه بس قبل ماقول تجربتي واللي عرفت اوصله من باحثين فتخصصات تانية عايزة اوضح نقطتين مهمين :
1) ان الهدف تطبيق اساسيات البحث العلمي وخاصة الكتابة لان ده المتاح لينا فالمعمل هنا فمش هايفرق معانا ان النقطة جديدة او ان لازم يكون احد الاساتذة تكلم عنها اثناء محاضرات اللايف او اتكلم عن نقطة معينة ..ممكن تتكلم عن موضوع عام مثلا السنة اللي فاتت -وان كان طبيعة الواجبات اختلفت -بس اتكلمت عن Antibiotic resistanceوركزت ع الجزء الخاص بطب بيطري فيه ..ده مجرد مثال بس علشان الصورة توضح مش اكتر
2) المعمل فرصة جيدة لبناء اساس علمي جيد ليك فمش معني انك تايه ان الغلط فيك انت فتبعتلنا ان ممكن اعتذر عن المعمل السنة دي والكلام ده ..عايز تعتذر حقك محدش هيقولك اتعلم غصب عنك ..بس لازم تعرف ان المرحلة دي طبيعية جدا انا السنة اللي فاتت كنت طالبة فالمعمل ده زيي زيكم.. كذا مرة كنت عايزة اقدم وكانت فيه ظروف منعتني بس السنة اللي فاتت كان المعمل قبل امتحانات تمهيدي الماجستير وسكاشن وانا لوحدي فالقسم ورغم اني عارفة اني هاقصر فحق المعمل بس اصريت اخوض تجربة استفدت منها جدا …فبم انك موجود معانا النهاردة اظن من الافضل انك تستفيد قدر استطاعتك.. الفرص مش بتتكرر كتير
انا اسفة اني طولت فالمقدمة بس كان لازم اقول الكلمتين دول
انا طبعا هاتكلم عن تجربتي فالبحث اللي يارب تفيدكم مش بس فالمعمل فالمستقبل وهو ده هدفنا ان شاء الله:
لو محتاج تعرف اكتر عن موضوع معين وايه اخر التطورات فيه علشان لو مهتم تشتغل ع نقطة تبقي عارف الناس وصلت لفين بالضبط ..يبقي لازم تقرا Papers كتير عن الموضوع …من فين احصل ع الpapers دي؟!
فيه مصادر كتير بس انا هاقولكم ع الطريقة اللي انا ماشية بيها ..
1) اكتب اسم الموضوع ع جوجل ..لو جاتلي اي نتيجة ع قاعدة بيانات الPubmed وده محرك بحث فالمجال الطبي ادخل عليها علي طول لانها هتوفر عليك كتير ..ممكن بعد ماتفتح تجيلك اقتراحات بمواضيع related للموضوع اللي انت بتبحث عنه وهتقعد بقي تتنقل من بيبر لبيبر لحد ماتلاقي اللي انت محتاجه وتحمله ..ازاي بقي تحمله ؟ هتلاقي غالبا الAbstract بس و ع الجنب كده هتلاقي لينكات الfullpaper..اللي اما تكون openاو closed..لو اوبن يبقي تمام كده لو Closed..تعمل ايه بقي ؟
2) تاخد اسم البيبر اللي انت محتاجها دي وترجع ع جوجل تعمل بحث عنها ممكن تلاقيها متحملة ع موقع Googlescholarوده نادر جدا غالبا جوجل سكولار مجرد بيقولك ان فيه بيبر بالاسم ده وبتعرف الauthorبتاعهاوتقدر تعمله فولو كمان لو عملت اكونت عليه بس مش اكتر لكن اللي ممكن يفيدك اكتر هو ال3) ResearchGateاللي هو فيسبوك الباحثين اللي من خلاله تقدر تلاقي الauthorناشر البيبر كاملة عليه فور فري ..طبعا الدخول ع الريسيرش جيت مش محتاج اكونت بس لو ناوي تكمل فالبحث العلمي افضل يكون معاك اكونت علشان من خلاله تقدر تتابع كل ابحاث ومشاريع الباحثين اللي فمجالك وممكن كمان لو محتاج بيبر كاملة من خلاله تبعت رسالة للباحث تطلب منه البيبر كاملة وممكن كمان لو عندك اي مشكلة بحثية تسأل عنها والباحثين يحاولوا يساعدوك من خلال تجربتهم…تعمل ازاي اكونت ع الريسيرش جيت تروح وحدة الItفكليتك يعملولك ايميل جامعة وتفعله وياريت تعمل اكونت ع بنك المعرفة المصري EKB كمان لانك مش هتعرف تعمله من نت بره الجامعة ايه فايدة بنك المعرفة؟ ..لو مالقيتش البيبر اللي انت محتاجها مرفوعة ع الpubmedولا الريسيرش جيت تعمل ايه؟..
4) تدخل ع بنك المعرفة بالاكونت بتاعك وتدخل ع خانة المصادر وتختار ع حسب تخصصك مصادر عربي او انجليزي غالبا طبعا معظمنا مصادر انجلش ..تدخل بقي هتلاقي مجلات كتير ودور نشر زي Springer وWileyوكل منتجات الElseiver وغيرهم ..تدخل بقي تختار المصدر اللي البيبر بتاعتك موجودة عليه وتبحث عنها بالاسم اللي لقيته وتقدر تحملها ان شاء الله …هتلاقوا فالصور الادوات اللي انا باقول عليها دي بس طبعا مش بالتفصيل ده لان الحوار طويل ممكن ان شاء الله افترة الجاية ينزل بوست عن كل اداة من اللي قولتهم ويكون فيه شرح تفصيلي ..
بالنسبة لتخصصات غير الميديكال ده محرك بحث لهندسة
IEEE Explore
المحركين دول تقريبا هندسنة وتخصصات تانية
Academic Microsoft
Semantic Scholar
معديش خلفية كبيرة عنهم للاسف لان شغلي اغلبه ع الpubmed..لو حد عنده معلومة ممكن يفيدنا كلنا …
بالنسبة للتخصصات اللي بيدرسوا بالعربي بنك المعرفة هيفيدكم جدا ..معنديش معلومات كتير الصراحة عن مصادر تانية
5) اخيرا لو فيه بيبر معرفتش توصلها فيه كذا جروب ع الفيس هنا ممكن من خلالهم تنشر لينك البيبر والناس اللي عندها acessتساعدك.. اعمل بحث ع الفيس واكتب Request paper هتلاقي فيه كذا جروب والناس بتساعد جدا فالموضوع ده او ممكن تبعت لحد تعرفه من زمايلك بره عنده اكسيس يبعتلك البيبر
لو حد عنده اي كومنت او سؤال انا تحت امره ..بالتوفيق واسفة جدا ع الاطالة
